Հալեպում հոկտեմբերի 1-ին հայեր են վիրավորվել

Հոկտեմբերի 1-ին Հալեպի հայաբնակ Նոր Գյուղ թաղամասում` Ազգային Զավարյան վարժարանի շրջակայքում, գազի տակառներ են պայթել: Ինչպես հաղորդում է Հալեպի «Գանձասար» շաբաթաթերթի ֆեյսբուքյան էջը, պայթյունի հետևանքով վիրավորվել են ազգությամբ հայ Շահե Շահինյանը և Ավետիս Սոլաքյանը:

Վիրավորների վիճակը մտահոգիչ չէ:

Սիրիան 2011թ․մարտից ներքաղաքական ճգնաժամում է։ Երկրի ընդդիմությունը պահանջում է Սիրիայի նախագահ Բաշար ալ Ասադի պաշտոնաթողությունը՝ կառավարական ուժերին մեղադրելով խաղաղ բնակչության նկատմամբ զանգվածային բռնությունների իրագործման մեջ։ Պաշտոնական Դամասկոսը վստահեցնում է, որ ժողովրդավարական կարգախոսների քողի ներքո երկրում գործում են «զինված ահաբեկչական խմբավորումներ»։ Համաձայն ՄԱԿ-ի տվյալների՝ հակամարտության սկզբից ի վեր Սիրիայում զոհվել է ավելի քան 150 հազ․ մարդ, փախստական է 2,3 մլն սիրիացի, ևս 6,5 մլն սիրիացի համարվում է ներքին տեղահանված։