Civilnet
Նոյեմբերի 4-ին սիրիական կառավարական ուժերը ամբողջությամբ ազատագրել են Խանասերի ճանապարհը, հաղորդում է Հալեպի «Գանձասար» պարբերականը իր ֆեյսբուքյան էջում:
Ըստ հաղորդագրության՝ այսպիսով ավարտվել է այդ տարածքի ազատագրման համար իրականացված ռազմական գործողությունը:
«Այժմ ուժերն ավարտին են հասցնում ճանապարհի ականազերծման աշխատանքները, և մի քանի ժամից Հալեպ-Խանասեր-Ասրիե-Սալամիե ճանապարհը կլինի բաց և անվտանգ»,- հաղորդում է «Գանձասարը»:
Սիրիական SANA գործակալությունը հաստատում է տեղեկությունը, որ կառավարական ուժերը վերահսկողություն են սահմանել Հալեպը, Խանասերը, Ասրիեն և Սալամիեն կապող ճանապարհի նկատմամբ: Գործակալությունը հաղորդում է, որ բանակը ականազերծել է ճանապարհը և հղում անելով իր աղբյուրներին՝ տեղեկացնում, որ այն քաղաքացիների համար բաց կլինի նոյեմբերի 5-ին՝ վերանորոգվելուց հետո:
Պատմություններ
