Civilnet
Ֆրանսիայի ռազմաօդային ուժերը հուժկու հարված են հասցրել սիրիական Ռաքքա քաղաքում «Իսլամական պետության» դիրքերին: Ֆրանսիայի պաշտպանության նախարարության փոխանցմամբ՝ արձակվել է քսան ռումբ, գործողություններին մասնակցել է տասը ռազմական ինքնաթիռ:
«Առաջին ոչնչացված թիրախը ԻՊ-ի հրամանատարական կետն էր, որն օգտագործվել է որպես կամավորների հավաքագրման կենտրոն և զինապահեստ: Երկրորդ ոչնչացված օբյեկտը ջիհադականների վարժեցման ճամբարն էր»,- ասված է Ֆրանսիայի ՊՆ հայտարարության մեջ:
Նոյեմբերի 14-ին Ֆրանսիայի վարչապետ Մանուել Վալսը հայտարարել էր, որ Փարիզի ահաբեկչությունից հետո նույնպես երկիրը շարունակելու է ռմբակոծել Սիրիայում ԻՊ-ի դիրքերը:
Նոյեմբերի 13-ի երեկոյան ահաբեկիչները Փարիզում իրականացրել են վեց-յոթ՝ գրեթե միաժամանակյա ահաբեկչական գործողություն: Դրանց արդյունքում զոհվել է ավելի քան 130 մարդ: Ահաբեկչությունների պատասխանատվությունն իր վրա է վերցրել «Իսլամական պետություն» խմբավորումը:
Պատմություններ
