Պատրաստվի՛ր, Ռուսաստա՛ն, մեր հրթիռները գալիս են, հայտարարել է Թրամփը

ԱՄՆ նախագահ Դոնալդ Թրամփը Ռուսաստանին կոչ է արել պատրաստվել Սիրիայի դեմ հրթիռային հարվածներին: Նա այդ մասին գրառում է կատարել իր թվիթերյան էջում։

Russia vows to shoot down any and all missiles fired at Syria. Get ready Russia, because they will be coming, nice and new and “smart!” You shouldn’t be partners with a Gas Killing Animal who kills his people and enjoys it!

— Donald J. Trump (@realDonaldTrump) April 11, 2018

«Ռուսաստանը խոստանում է ոչնչացնել Սիրիայի ուղղությամբ արձակված ցանկացած հրթիռ։ Պատրաստվի՛ր, Ռուսաստան, որովհետեւ նրանք կգան՝ փառահեղ, նոր և խելացի», - գրել է Թրամփը: Նա Սիրիայի նախագահ Բաշար Ասադին անվանել է «կենդանի, որը գազով սպանում է իր ժողովրդին և հաճույք ստանում դրանից»: Մեկ այլ թվիթում Թրամփը գրել է․ «Ռուսաստանի հետ մեր հարաբերությունները հիմա առավել քան երբևէ վատ են, ներառյալ Սառը պատերազմի շրջանը։ Դրա համար որեւէ հիմք չկա: Ռուսաստանը մեր օգնության կարիքն ունի իրենց տնտեսության հարցում, ինչը շատ հեշտ կլինի անել, և մեզ պետք է, որ բոլոր ազգերը միասին աշխատեն։ Դադարեցնե՞նք սպառազինությունների մրցավազքը»։

Our relationship with Russia is worse now than it has ever been, and that includes the Cold War. There is no reason for this. Russia needs us to help with their economy, something that would be very easy to do, and we need all nations to work together. Stop the arms race?

— Donald J. Trump (@realDonaldTrump) April 11, 2018

ՄԱԿ-ում Ռուսաստանի մշտական ներկայացուցիչ Վասիլի Նեբենզիան կոչ է արել ԱՄՆ-ին Սիրիայում ռազմական արկածախնդրության չգնալ: ԶԼՄ-ները հաղորդել են, որ Թրամփը, իր խորհրդականների հետ միասին, մտածում է Սիրիային ավելի հզոր հարված հասցնելու մասին, քան 2017 թ. ապրիլին։