ԱՄՆ-ի ու Ռուսաստանի միջև գործում է հատուկ կապի գիծը․ Կրեմլ
Civilnet
Ռուսաստանի և ԱՄՆ-ի ռազմական գերատեսչությունների միջև հատուկ կապի գիծն ակտիվ վիճակում է․ հայտարարել է Կրեմլի խոսնակ Դմիտրի Պեսկովը։ Նա չի մանրամասնել, թե արդյոք գիծն օգտագործվում է Սիրիայում ԱՄՆ-ի հնարավոր հարվածների առնչությամբ։
«Նկատի ունեմ՝ ընհանուր առմամբ գիծը երկու կողմից էլ կիրառվում է»,- ասել է Պեսկովը։
Սիրիայում իրավիճակը սրվել է այն բանից հետո, երբ «Սպիտակ սաղավարտներ» կազմակերպությունը հայտարարել է, որ ապրիլի 7-ին սիրիական Դումա քաղաքում տեղի է ունեցել քիմիական գրոհ, որի արդյունքում ենթադրաբար զոհվել է 70 մարդ։ ԱՄՆ-ի նախագահ Դոնալդ Թրամփը, ելույթ ունենալով Սպիտակ տանը, զգուշացրել է, որ Վաշինգտոնը կպարզի գրոհի մանրամասները և կպատժի մեղավորներին։ Նա խոստացել է որոշում ընդունել 24–48 ժամվվա ընթացքում։ Երեկ՝ այդ ժամկետի լրանալուց հետո, Թրամփը հորդորել է Ռուսաստանին պատրաստվել Սիրիայի դեմ հրթիռային հարվածներին:
Տեղադրություն
Պատմություններ
