Սիրիայի վրա հարվածը կարող է լինել շատ շուտով կամ ընդհանրապես ոչ այնքան շուտ. Թրամփ

Սիրիայի վրա հարվածը կարող է լինել շատ շուտով կամ ընդհանրապես ոչ այնքան շուտ․ Թվիթերում հերթական գրառումն է արել ԱՄՆ-ի նախագահ Դոնալդ Թրամփը։ «Երբեք չեմ ասել՝ երբ է հասցվելու Սիրիայի վրա հարվածը։ Կարող է լինել շատ շուտով կամ ընդհանրապես ոչ այնքան շուտ։ Ամեն դեպքում Միացյալ Նահանգները իմ վարչակազմի օրոք մեծ աշխատանք է կատարել տարածաշրջանը Իսլամական պետությունից մաքրելու ուղղությամբ։ Որտե՞ղ է մեր «Շնորհակալություն, Ամերիկա»-ն»,- գրել է Թրամփը։

Never said when an attack on Syria would take place. Could be very soon or not so soon at all! In any event, the United States, under my Administration, has done a great job of ridding the region of ISIS. Where is our “Thank you America?”

— Donald J. Trump (@realDonaldTrump) April 12, 2018

Սիրիայում իրավիճակը սրվել է այն բանից հետո, երբ «Սպիտակ սաղավարտներ» կազմակերպությունը հայտարարել է, որ ապրիլի 7-ին սիրիական Դումա քաղաքում տեղի է ունեցել քիմիական գրոհ, որի արդյունքում ենթադրաբար զոհվել է 70 մարդ։ ԱՄՆ-ի նախագահ Դոնալդ Թրամփը, ելույթ ունենալով Սպիտակ տանը, զգուշացրել է, որ Վաշինգտոնը կպարզի գրոհի մանրամասները և կպատժի մեղավորներին։ Նա խոստացել է որոշում ընդունել 24–48 ժամվվա ընթացքում։ Երեկ՝ այդ ժամկետի լրանալուց հետո, Թրամփը հորդորել է Ռուսաստանին պատրաստվել Սիրիայի դեմ հրթիռային հարվածներին:

Այսօր րեմլի խոսնակ Դմիտրի Պեսկովը հայտարարել է, որ երկու երկրների ռազմական գերատեսչությունների միջև հատուկ կապի գիծն ակտիվ վիճակում է։