Ռուսաստանը ափսոսանք է հայտնել ուկրաինական կողմի՝ «բանակցություններում դանդաղկոտության» համար

Ռուսաստանի նախագահ Վլադիմիր Պուտինը տեսակոնֆերանսի միջոցով օպերատիվ խորհրդակցություն է անցկացրել Անվտանգության խորհրդի մշտական ​​անդամների հետ, հաղորդում է ՌԴ նախագահի մամուլի ծառայությունը։

«Հանդիպման մասնակիցները մանրամասն քննարկել են Ռուսաստանի և Ուկրաինայի միջև բանակցային գործընթացի ընթացքը։ Ափսոսանք է հայտնվել  ուկրաինական կողմի դանդաղկոտության կապակցությամբ։ Պաշտպանության նախարար Սերգեյ Շոյգուն զեկուցել է Ռուսաստանի զինված ուժերի հատուկ ռազմական գործողության, ինչպես նաև մարդասիրական օգնություն ցուցաբերելու, ազատագրված տարածքներում անվտանգության ապահովման և կենսական ենթակառուցվածքների վերականգնմանն ուղղված շարունակվող ռազմական ջանքերի մասին։ Անդրադարձ է եղել նաև հակապատժամիջոցային թեմաներին։ Բացի այդ, մտքերի փոխանակում է տեղի ունեցել երկրի ներկայիս մակրոտնտեսական իրավիճակի շուրջ»,- նշվում է հաղորդագրությունում։