Սիրիական Լաթաքիայում անվտանգային իրավիճակը բարելավվել է. «Գանձասար»

Սիրիայի Լաթաքիա քաղաքում անվտանգային իրավիճակը բարելավվել է։ Այս մասին տեղեկացնում է Սիրիայում հրապարակվող «Գանձասար» պարբերականը։ 

«Մարտի 17-ին Ազգային Սրբոց Նահատակաց վարժարանում վերսկսվել է կրթական գործընթացը։  Տեղական մյուս վարժարաններն աշխատանքները վերսկսել են մարտի 16-ից։

Վերականգնվել են համացանցի ծառայությունն ու ջրի մատակարարումը։ Քաղաքաի բոլոր աշխատավայրերը վերսկսել են գործունեությունը»,- նշում է թերթը։

Մարտի 6-ին Սիրիայի արևմուտքում՝ Լաթաքիայի և Տարտուսի նահանգներում, սկսվել էին զինված բախումներ ալավիների և Սիրիայի անվտանգության ուժերի միջև։ Ըստ հաղորդագրությունների՝ բախումները բռնկվել էին այն բանից հետո, երբ ալավիական խմբերը դուրս էին եկել փողոց՝ բողոքելով Հայաթ Թահրիր աշ-Շամ խմբավորման դեմ (HTS) դեմ, որն իշխանության է եկել Սիրիայում Ասադների իշխանության տապալումից հետո։