2026-ի պետբյուջեում պաշտպանական ծախսերի էական ավելացումներ գուցե չունենանք․ վարչապետ

Հայաստանի վարչապետ Նիկոլ Փաշինյանի կարծիքով՝ 2026-ի պետբյուջեում պաշտպանական ծախսերի էական ավելացումներ գուցե չլինեն։

«‎Կարծում եմ՝ գուցե 2026-ի պետբյուջեում պաշտպանական ծախսերի էական ավելացումներ կամ չունենանք կամ ընդհանրապես չունենանք։ Սա տրամաբանական է։ Գոնե այս պահի մեր գնահատարակը դա է։ Մենք կշարունակենք իրադրության օպերատիվ վերլուծությունը, և մեր բոլոր որոշումները կլինեն կարճաժամկետ, միջնաժամկետ և երկարաժամկետ զարգացումներին համապատասխան»։

Նախօրեին Հայաստանի ֆինանսների նախարար Վահե Հովհաննիսյանը հայտարարել է, որ կառավարությունը նախատեսում է նվազեցնել պաշտպանությանը հատկացվող ծախսերի մասնաբաժինը 2026-ի ընդհանուր ծախսերի մեջ։

Օգոստոսի 19-ին Fitch-ը Հայաստանի և Ադրբեջանի միջև նախաստորագրված խաղաղության համաձայնագիրը գնահատել էր որպես «դրական քայլ»։ Գործակալությունն իր զեկույցում նշել էր, որ աշխարհաքաղաքական ռիսկերի նվազումը կարող է միջնաժամկետ հատվածում թեթևացնել Հայաստանի բյուջետային ծանրաբեռնվածությունը՝ պաշտպանական ծախսերի կրճատման հաշվին։