Civilnet
Հունվարի 8-ին վաղ առավոտյան Հալեպի հայաբնակ Շեյխ Թահա և Վիլլաներ թաղամասերում ականանետային արկեր են պայթել, ինչի հետևանքով արձանագրվել են նյութական վնասներ։ Ըստ «Գանձասար» պարբերականի՝ միջադեպի հետևանքով վիրավորներ չկան, սակայն քաղաքում շարունակվող բախումների պատճառով Շեյխ Մաքսուդ և Աշրաֆիե թաղամասերի բնակչությանը տարհանվելու համար ժամանակ է տրվել։
Հալեպի ռազմական գործողությունների գրասենյակը, անվտանգային նկատառումներից ելնելով, բնակիչներին հնարավորություն է ընձեռել լքել նշված շրջաններն այսօր մինչև ժամը 13:00-ն։ Այս պահին քաղաքում իրավիճակը հանդարտ է, թեև ժամանակ առ ժամանակ հրաձգության ձայներ են լսվում:
Չնայած լարված իրավիճակին՝ քաղաքի կենսական ենթակառուցվածքները, այդ թվում՝ սննդամթերքի խանութները, փռերը, հիվանդանոցներն ու դարմանատները, շարունակում են բաց մնալ։
Հայաստանի գլխավոր հյուպատոսությունը հայտարարել է, որ շարունակում է իր գործունեությունը:
Հունվարի 6–ին «Սիրիայի դեմոկրատական ուժերի» (ՍԴՈւ) և Դամասկոսի կողմից վերահսկվող ուժերի միջև բախումներ են տեղի ունեցել, որոնց հետևանքով Հալեպում 4 մարդ է զոհվել, 26-ը` վիրավորվել:
Պատմություններ
