Հայաստանն ու Ղազախստանը երկաթուղային ոլորտն են քննարկել

Տարածքային կառավարման և ենթակառուցվածքների նախարար Դավիթ Խուդաթյանն ընդունել է Ղազախստանի Հանրապետության տրանսպորտի նախարար Նուրլան Սաուրանբաևին։

Քննարկվել են երկկողմ հետաքրքրություն ներկայացնող մի շարք հարցեր։

Մասնավորապես անդրադարձ է կատարվել ավիացիոն, տրանսպորտային ոլորտներին։

Երկուստեք կարևորվել է երկու երկրների միջև ավիացիոն ուղիղ կապի հաստատման անհրաժեշտությունը։

Անդրադարձ է կատարվել նաև «Խաղաղության խաչմերուկ» նախագծին և դրա շրջանակներում երկաթուղային ոլորտին։

***
Ապրիլի 9-ին վարչապետ Նիկոլ Փաշինյանը հայտարարել է, որ Ղազախստանը, լինելով միջազգային տրանսպորտային ոլորտի խոշոր դերակատար, օգոստոսից ի վեր մեծ հետաքրքրություն է ցուցաբերում «Խաղաղության խաչմերուկ» նախագծի նկատմամբ։

Փետրվարի 13-ին Փաշինյանը հայտարարել էր, որ որևէ երրորդ երկիր, որը ջերմ հարաբերություններ ունի, և՛ Հայաստանի, և՛ Ռուսաստանի հետ, պետք է ՌԴ-ից գնի երկաթուղու կոնցեսիոն կառավարման իրավունքը։ Փաշինյանի պատկերացմամբ՝ այդ երկրներից մեկը կարող է լինել Ղազախստանը։