Համլետ Մանուկյանը ոսկե մեդալ է նվաճել Աշխարհի գավաթում

Մարմնամարզիկ Համլետ Մանուկյանը ոսկե մեդալ է նվաճել Խորվաթիայի Օսիյեկ քաղաքում ընթացող սպորտային մարմնամարզության 2026 թվականի աշխարհի գավաթի խաղարկության վերջին փուլում։

Նժույգթափեր վարժության եզրափակիչում Մանուկյանը 14,733 միավոր է վաստակել և զբաղեցրել առաջին տեղը: Այս վարժությունում Հայաստանի մյուս ներկայացուցիչ Մամիկոն Խաչատրյանը զբաղեցրել է 6-րդ տեղը:

Հայաստանի մյուս ներկայացուցիչ Արթուր Ավետիսյանը բրոնզե մեդալ է նվաճել օղակների վարժությունում. Եզրափակiչում նա հավաքել է 14.133 միավոր և կանգնել պատվո հարթակի երրորդ աստիճանին:

Ապրիլի12-ին աշխարհի գավաթի խաղարկության հենացատկի վարժության եզրափակչում հանդես կգա Օլիմպիական խաղերի արծաթե, բրոնզե մեդալակիր, աշխարհի չեմպիոն, Եվրոպայի եռակի չեմպիոն Արթուր Դավթյանը:

Աշխարհի գավաթի նախորդ՝ Կահիրեի փուլում ևս Համլետ Մանուկյանը նժույգթափեր վարժությունում նվաճել էր ոսկե մեդալ, իսկ Արթուր Ավետիսյանը օղակների վարժությունում դարձել էր արծաթե մեդալակիր: