Զանգելանում տեղի է ունեցել ադրբեջանա-ռուսական միջկառավարական հանձնաժողովի նիստը

Զանգելանում կայացել է Ադրբեջանի և Ռուսաստանի տնտեսական համագործակցության հարցերով միջկառավարական հանձնաժողովի 24-րդ նիստը։ Նիստի արդյունքներով ստորագրվել է համատեղ արձանագրություն։ Փաստաթուղթը վավերացրել են երկու երկրների փոխվարչապետներ Շահին Մուստաֆաևը և Ալեքսեյ Օվերչուկը։ Այս մասին հայտնում են ադրբեջանական լրատվամիջոցները։

Նշվում է, որ հանդիպման ընթացքում քննարկվել է գործնական փոխգործակցության հարցերի ողջ համալիրը, այդ թվում՝ առևտրատնտեսական, արդյունաբերական, էներգետիկ և ագրոարդյունաբերական ոլորտներում կապերի ամրապնդումը։ Հատուկ ուշադրություն է դարձվել տրանսպորտային և լոգիստիկ համագործակցության զարգացմանը։