Հայաստանում Ռուսաստանի դեսպան Սերգեյ Կոպիրկինը կարծում է, որ երկու երկրների հարաբերություններն այժմ բարդ փուլում են, և կողմերը պետք է միմյանց հասկանան ու գտնեն նոր հավասարակշռություն։
Դեսպանը հոկտեմբերի 16-ին ելույթ է ունեցել մարշալ Հովհաննես Բաղրամյանի անվան Հայաստանի վետերանների միավորման 70-ամյակին նվիրված միջոցառմանը։ Ըստ ՌԴ դեսպանատան՝ Կոպիրկինը կարևորել է վետերանների դերը երկու ժողովուրդների պատմական հիշողությունը պահելու և բարեկամությունն ամրացնելու գործում։
Նրա խոսքով՝ քաղաքական իրավիճակը կարող է փոխվել, բայց ընդհանուր պատմությունը, համատեղ հաղթանակներն ու մարշալ Բաղրամյանի կերպարը շարունակում են կապել երկու ժողովուրդներին։ Դեսպանը հիշեցրել է, որ միասնության շնորհիվ է հաղթանակ տարվել ամենադժվար պատերազմում, և նույն միասնությանը պետք է ապավինել այսօրվա մարտահրավերների դեպքում։
Միջոցառմանը ներկա էին նաև Հայաստանում Բելառուսի ժամանակավոր հավատարմատար Ի. Կուդրուկը, Երևանում Ռուսաստանի տան և Մոսկվայի տան ղեկավարները, հասարակական և հայրենակցական կազմակերպությունների ներկայացուցիչներ։
Պատմություններ
