ԱՄՆ պետքարտուղարի տեղակալն այցելել է ԱՄՆ-ում ՀՀ դեսպանություն: Այս մասին հայտնում են ԱՄՆ-ում Հայաստանի դեսպանությունից։
ԱՄՆ-ում ՀՀ դեսպան Նարեկ Մկրտչյանը դեսպանությունում հյուրընկալել է ԱՄՆ պետքարտուղարի՝ ժողովրդավարության, մարդու իրավունքների և աշխատանքի հարցերով տեղակալ Ռայլի Բարնսին։
Հանդիպման ընթացքում դեսպանը բարձր է գնահատել ժողովրդավարական ինստիտուտների ամրապնդման գործընթացում ԱՄՆ աջակցության կարևորությունը և դրա շարունակականության ապահովումը։
Կողմերը մտքեր են փոխանակել TRIPP նախաձեռնության իրականացման շուրջ, քննարկել հիբրիդային սպառնալիքներին, ապատեղեկատվության դեմ պայքարին, ինչպես նաև կրոնական ազատությանն առնչվող մի շարք հարցեր։
Զրուցակիցները վերահաստատել են փոխգործակցությունը խորացնելու պատրաստակամությունը՝ երկուստեք հետաքրքրություն ներկայացնող ոլորտներում։
Ապրիլի 15-ին վարչապետ Նիկոլ Փաշինյանը հայտարարել էր, որ ԱՄՆ-ից բարձրագույն մակարդակով հավաստիացումներ են ստացվել, որ TRIPP-ի հետ կապված գործողությունները ոչ միայն չեն դանդաղել, այլև՝ արագացել են։
Պատմություններ
