ԱՄՆ նախագահ Դոնալդ Թրամփի դիմանկարը կհայտնվի Միացյալ Նահանգների նոր, սահմանափակ քանակությամբ թողարկվող անձնագրերի վրա։ Այս մասին հայտնում է ամերիկյան մամուլը։
Պաշտոնյաների հաղորդմամբ՝ այս նախաձեռնությունը նվիրված է հուլիսին նշվող երկրի Անկախության հռչակագրի 250-ամյակին և հանդիսանում է տոնական միջոցառումների ավելի լայն ծրագրի մի մասը։ Սա հանրային կյանքի ևս մեկ ոլորտ է, որտեղ ներկայացվում է Թրամփի անձնական բրենդավորումը։
Սպիտակ տան և Պետքարտուղարության կողմից հրապարակված նախնական պատկերներում երևում է, որ Թրամփի դիմանկարը համադրված է Անկախության հռչակագրի և ԱՄՆ դրոշի տարրերի հետ։ Անձնագրի ձևավորումը ներառում է նաև նախագահի ստորագրությունը՝ տպված ոսկեգույնով։ Նախատեսվում է, որ փաստաթղթի մեկ այլ էջում կտեղադրվի Անկախության հռչակագիրը ստորագրող հիմնադիր հայրերի պատկերը։
ԱՄՆ Պետքարտուղարության խոսնակ Թոմի Փիգոթը նշել է, որ հուլիսին կայանալիք պատմական իրադարձությունը հավուր պատշաճի նշելու նպատակով գերատեսչությունը պատրաստվում է շրջանառության մեջ դնել հատուկ դիզայնով անձնագրերի սահմանափակ խմբաքանակ։ Այդ անձնագրերը հասանելի կլինեն ԱՄՆ այն քաղաքացիներին, ովքեր դիմում կներկայացնեն Վաշինգտոնի անձնագրային գործակալության միջոցով։ Տրամադրման գործընթացը կսկսվի այս ամռանը։
Պատմություններ
