Առաջիկա երկու օրերին Հայաստան կներկրվի այնքան քանակությամբ հեղուկ գազ, որ գներն էականորեն կիջնեն։ Այս մասին հայտնել է էկոնոմիկայի նախարար Գևորգ Պապոյանը՝ ապրիլի 30-ին կառավարությունում ճեպազրույցի ժամանակ։
Վերջին օրերին վարերդները դժգոհում էին, որ լցակայաններում հեղուկ գազ չկա։ Որտեղ էլ որ կա՝ շատ թանկ է։ Անդրադառնալով խնդրին էկոնոմիկայի նախարարությունից նշել էին, որ Լարսի անցակետում առաջացած կուտակումների և լոգիստիկ ժամանակավոր դժվարությունների պատճառով հեղուկ գազ տեղափոխող որոշ բեռնատարների մուտքը Հայաստան ուշացել է, ինչն ազդել է շուկայում մատակարարումների բնականոն ռիթմի վրա։
«Հայաստանում վերջին շրջանում հեղուկ գազի դեֆիցիտը հիմնականում պայմանավորված էր Իրանի շուրջ տեղի ունեցող իրադրությամբ ու Վերին Լարսի փակ լինելով։ Երեկ ու նախորդ օրը հեղուկ գազով բեռնված մի քանի մեքենա եկել է։ Այսօր տասնյակ մեքենաներ են սպասվում»,- նշել է նախարարը։
Պատմություններ
