Չինաստանում արտադրված 45 նոր տրոլեյբուսներից 22-ն արդեն Հայաստանում են։ Շուտով մյուսներն էլ կհասնեն։ Այս մասին հայտարարեցին վարչապետ Նիկոլ Փաշինյանն ու քաղաքապետ Տիգրան Ավինյանը մայիսի 6-ին՝ երևանյան զբոսանքի ժամանակ։
Ավելի վաղ քաղաքապետը հայտնել էր, որ նոր տրոլեյբուսները լիովին կփոխարինեն նախկին հնամաշ շարժակազմին, և բոլոր հին տրոլեյբուսները դուրս կգան շահագործումից։
***
Դեռևս հունիսին քաղաքապետի նախկին մամուլի խոսնակ Հայկ Կոստանյանը հայտարարել էր, որ Երևանի քաղաքապետարանը չի կարողանա ձեռք բերել տարեսկզբին խոստացված 45 տրոլեյբուսներից 30-ը՝ թերհավաքագրումների պատճառով։ Իրավիճակի համար Կոստանյանը մեղադրել էր տրանսպորտի թանկացման դեմ պայքարողներին։
Նոյեմբերին էլ քաղաքապետ Տիգրան Ավինյանը հայտարարեց, որ քաղաքապետարանը 12 մետրանոց 45 տրոլեյբուս է գնել, որոնք Հայաստան կհասնեն 2026-ի առաջին կիսամյակում։
Դեկտեմբերին Ավինյանը հայտնեց, որ Երևանի Աջափնյակ թաղամասում մետրոպոլիտենի նոր կայարանի կառուցման համար նախատեսված բյուջետային հատկացումների մի մասը կուղղվի 45 նոր տրոլեյբուսների գնմանը։
Պատմություններ
