Հայաստանն իրավունք ունի անցկացնել ցանկացած միջոցառում, այդ թվում՝ Եվրամիության հետ գագաթնաժողով, սակայն Մոսկվայում «աննորմալ» են համարում, որ դաշնակից Երևանը հարթակ է տրամադրել Վոլոդիմիր Զելենսկու հակառուսական հայտարարությունների համար։ Այս մասին «Վեստի»-ի լրագրողի հետ զրույցում հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Սա չի համապատասխանում Երևանի հետ մեր հարաբերությունների ոգուն։ Իհարկե, հավանաբար, կցանկանայինք, որ Երևանը որոշ պարզաբանումներ տար», - ասել է նա։
Մոսկվայում «չեն հասկանում, թե ինչու են Հայաստանից հնչում հակառուսական հայտարարություններ»։
«Սա մենք չենք հասկանում։ Եվ ինչո՞ւ Հայաստանի վարչապետը չի փորձում իր հայտարարություններով ինչ-որ կերպ հավասարակշռել իրավիճակը։ Սա ևս առայժմ չենք կարող բացատրել»,- հավելել է Պեսկովը։
Պատմություններ
