Վրաստանի նոր կաթողիկոս-պատրիարք է ընտրվել մետրոպոլիտ Շիոն

Մետրոպոլիտ Շիո Մուջիրին ընտրվել է համայն Վրաստանի նոր՝ 142-րդ կաթողիկոս-պատրիարք: Ապրիլի 28-ին Վրաստանի ուղղափառ եկեղեցու Սուրբ սինոդը պատրիարքական գահի համար առաջադրել էր երեք թեկնածուի։

Ժողովի կազմակերպչական կառուցվածքի համաձայն՝ եկեղեցու յուրաքանչյուր 47 թեմից ներկայացված է եղել երեքական պատվիրակ՝ երկու հոգևորական և մեկ աշխարհական: Բացառություն է կազմել Մցխեթա-Թբիլիսիի թեմը, որի ներկայացուցիչների թիվը հավասար է եղել մնացած բոլոր թեմերի պատվիրակների ընդհանուր քանակին: Երկուշաբթի առավոտյան Սամեբա Մայր տաճարում հավաքվել է շուրջ 1200 պատվիրակ երկրի ողջ տարածքից:  

Համայն Վրաստանի կաթողիկոս-պատրիարք Իլիա Երկրորդը մահացել էր մարտի 17-ին՝ կյանքի 94-րդ տարում: Մահվան պատճառ էր դարձել երիկամային, թոքային և սրտային անբավարարության զարգացումը: Նրա գահակալությունը Վրաստանի ուղղափառ եկեղեցու պատմության մեջ ամենաերկարատևն էր: