Շաքիի ջրվեժի ջուրը պակասել է ապօրինի ջրառի պատճառով

«Շաքի» ՓՀԷԿ-ը 27 մլն դրամի վնաս է հասցրել շրջակա միջավայրին՝ Շաքի գետից սահմանված չափաքանակից ավելի ջրառի պատճառով։ Այս մասին հայտնում են Բնապահպանության և ընդերքի տեսչական մարմնից։  

Նշվում է, որ տեսչական մարմնի աշխատակիցներն արձանագրել են, որ  Ընկերությունը ՓՀԷԿ-ում գործունեությունն իրականացրել է խախտելով ջրօգտագործման թույլտվության պահանջները։

Ընկերությունը, գերազանցելով ջրօգտագործման սահմանված չափաքանակները, Շաքի գետից իրականացրել է 13.5 մլն խմ ավելի ջրառ, խախտել ըստ ամիսների սահմանված ջրառի ծավալները, ջրօգտագործման ժամանակահատվածը և ռեժիմը։

Կատարվել է ջրային ռեսուրսի վրա տնտեսական գործունեության հետևանքով առաջացած ազդեցության գնահատման հաշվարկ՝ ավելի քան 27  մլն դրամի չափով:

Ընկերության տնօրենը կենթարկվի վարչական պատասխանատվության։