Քննչական կոմիտեն պետական դավաճանության և լրտեսության հոդվածներով քրեական վարույթ է նախաձեռնել 2021-ին «Հայաստան» դաշինքին աջակցած պատգամավոր Անդրանիկ Թևանյանի դեմ՝ հիմք ընդունել ազգային անվտանգության ծառայությունից ստացած հաղորդումը։
Նշվում է, որ հավաքագրվելով օտարերկրյա հատուկ ծառայությունների կողմից՝ նա գաղտնի տեղեկություններ է փոխանցել արտասահմանյան կառույցի ներկայացուցչին՝ խոշոր գումարի դիմաց։ Գործը վերաբերում է 2024-ի ապրիլին ԱԺ փակ, գաղտնի նիստում կայացած լսումների ընթացքի և արդյունքների վերաբերյալ ռուսերեն թարգմանված տեղեկությունների մասին։
ԱԺ ընտրությունների նախընտրական քարոզարշավի ժամանակ Նիկոլ Փաշինյանը հայտարարել էր, որ իրենք հանցագործության մասին հաղորդում կներկայացնեն Քննչական կոմիտե, ակնկալելով, որ «Մայր Հայաստան» դաշինքի առաջնորդ Անդրանիկ Թևանյանի դեմ քրեական գործ կհարուցվի հայրենիքի դավաճանության հոդվածով։ Փաշինյանը, դիմելով իր աջակիցներին, խոստացել էր, որ «լրտեսական ցանցը» արմատախիլ կարվի։
Անդրանիկ Թևանյանն արձագանքել էր Փաշինյանի հայտարարությանը՝ նշելով, որ դա վկայում է «իշխանությունների վախերի և փրփուրներից կախվելու մասին»։ Նա մեղադրել էր վարչապետին իրավապահ համակարգին ուղիղ ցուցումներ տալու մեջ։
Թևանյանը Նիկոլ Փաշինյանին անվանել էր «պետական դավաճան» և զգուշացրել, որ արժանանալու է Միխեիլ Սաակաշվիլու ճակատագրին։
Պատմություններ
