Ռուսական կողմը մայիսի 30-ից ժամանակավոր սահմանափակումներ կսահմանի Հայաստանից թարմ լոլիկի, վարունգի, պղպեղի, կանաչ բանջարեղենի և ելակի ներմուծման վրա։ Այս մասին նշված է Ռոսսելխոզնադզորի (Ռուսաստանի անասնաբուժական և բուսասանիտարական հսկողության դաշնային ծառայությունը) մայիսի 28-ի՝ հաղորդագրության մեջ։
Սահմանափակումները կգործեն մինչև առաքվող ապրանքների անվտանգությունն ապահովելու համար համապատասխան արձանագրության մշակումը։
Նշվում է, որ որոշումը կայացվել է հայկական մրգերի և բանջարեղենի Ռուսաստան մատակարարման ոլորտում խախտումների թվի աճի և բուսասանիտարական անվտանգությունն ապահովելու նպատակով։
«2026 թվականի մայիսի 21-ից 27-ը հայկական ձեռնարկություններում ստուգում է անցկացվել: Ստուգման ընթացքում հայտնաբերվել են մի շարք խախտումներ, մասնավորապես՝ ջերմոցային համալիրներում ԵԱՏՄ անդամ պետությունների համար նախատեսված կարանտինային հարմարությունների առկայությունը, ինչը հաստատվում է հայկական մրգերի և բանջարեղենի ներմուծման ընթացքում այդ խախտումների համակարգված հայտնաբերմամբ՝ 2026 թվականին 181 դեպքով»,- նշված է հաղորդագրության մեջ։
Նշվում է, որ Հայաստանի իրավասու մարմինը չի ձեռնարկել համապատասխան միջոցներ նախկինում հայտնաբերված խախտումների վերաբերյալ։
Վերջին շրջանում ռուսական կողմը խնդիրներ է արձանագրում և սահմանափակումներ մտցնում Հայաստանից մատակարարվող մի շարք ապրանքների հետ կապված։
Պատմություններ
