Ռուսաստանը շահագրգռված է զարգացնել հարաբերությունները Հայաստանի հետ․ Պուտինը շնորհավորել է Փաշինյանին

Ռուսաստանի նախագահ Վլադիմիր Պուտինը շնորհավորել է Հայաստանի վարչապետ Նիկոլ Փաշինյանին ծննդյան օրվա կապակցությամբ՝ նշելով, որ Ռուսաստանը և Հայաստանը բարեկամական հարաբերություններ ունեն և Ռուսաստանը շահագրգռված է դրանք զարգացնելու հարցում: Պուտինի շնորհավորական ուղերձը հրապարակվել է Կրեմլի կայքում։

«Հարգելի Նիկոլ Վովաևիչ, խնդրում եմ ընդունեք իմ անկեղծ շնորհավորանքները ծննդյան օրվա կապակցությամբ: Մեր երկրների և ժողովուրդների միջև հարաբերությունները ավանդաբար բարեկամական են: Եվ մենք շահագրգռված ենք դրանց շարունակական, առաջադիմական զարգացմամբ», - ասված է ՌԴ նախագահի շնորհավորական ուղերձում։

Ռուսաստանի առաջնորդը Փաշինյանին մաղթել է առողջություն, բարգավաճում և հաջողություններ: