Ընտրական խախտումների վերաբերյալ 14 քրեական վարույթ ուղարկվել է դատարան. Դատախազություն

2026-ի փետրվարի 7-ից՝ Ազգային ժողովի հերթական ընտրությունների գործընթացի մեկնարկից մինչև այսօր՝ 13:00, Գլխավոր դատախազությունը ընտրական գործընթացին խոչընդոտող առերևույթ հանցանքների վերաբերյալ 293 հաղորդում է ստացել:

Դատախազությունից հայտնում են, որ 293 հաղորդումներից՝

• 174-ով նախաձեռնվել է քրեական վարույթ:

• 297 անձի նկատմամբ հարուցվել է հանրային քրեական հետապնդում:

• 14 քրեական վարույթ՝ 42 անձի վերաբերյալ, հաստատված մեղադրական եզրակացությամբ, հանձնվել է իրավասու դատարան:

• Պատգամավորի 12 թեկնածուների վերաբերյալ Կենտրոնական ընտրական հանձնաժողով են ներկայացվել քրեական հետապնդում հարուցելու և ազատությունից զրկելու համաձայնություն ստանալու վերաբերյալ միջնորդություններ, որոնցից 11-ի վերաբերյալ միջնորդությունները բավարարվել են, 1 անձի վերաբերյալ միջնորդությունը կքննարկվի առաջիկայում: