ԵՄ հանձնակատարը հայտնել է Հայաստան այցելելու և երկկողմ նոր աշխատանքային խումբ ձևավորելու մասին

Եվրամիության ընդլայնման հարցերով հանձնակատար Մարթա Կոսը շնորհավորել է Հայաստանի վարչապետ Նիկոլ Փաշինյանին ընտրություններում գրանցած հաջողության կապակցությամբ։ Նա ընդգծել է, որ Ռուսաստանի կողմից լայնածավալ հարկադրանքի և միջամտության պայմաններում այս հաղթանակը վերահաստատում է հայ ժողովրդի ընտրությունը հանուն ուժեղ, ինքնիշխան և անկախ Հայաստանի։

ԵՄ բարձրաստիճան պաշտոնյան հավելել է, որ Եվրոպայի համերաշխությունը Հայաստանի հետ մնում է անսասան, և ինքը նախատեսում է հնարավորինս շուտ ժամանել Երևան։

«Այսօր մենք նաև կսկսենք մեր աշխատանքը ԵՄ-Հայաստան նոր աշխատանքային խմբում՝ մեր գործընկերությունը խորացնելու համար»,- ասել է Կոսը։

Հունիսի 7-ի խորհրդարանական ընտրությունների արդյունքում Նիկոլ Փաշինյանի գլխավորած «Քաղաքացիական պայմանագիր» կուսակցությունը ստացել է քվեների 49,81%-ը։