«Ակնհայտ է, որ մեր հարաբերությունները հասել են վերանայման և փոփոխվող համաշխարհային և տարածաշրջանային իրողություններին հարմարվելու փուլ»,- ասել է ՌԴ դեսպան Սերգեյ Կոպիրկինը՝ հունիսի 12-ի երեկոյան Երևանում Ռուսաստանի օրվա առթիվ տեղի ունեցած տոնական ընդունելության ամանակ։
Միջոցառմանը ներկա էին Ազգային ժողովի նախագահ Ալեն Սիմոնյանը, փոխվարչապետ Մհեր Գրիգորյանը, պատգամավորներ, կառավարության անդամներ, պաշտոնյաներ, դիվանագիտական կորպուսի ներկայացուցիչներ և այլք։
Ռուսաստանի դիվանագիտական առաքելության ղեկավարը ընդգծել է, որ այսօր ռուս-հայ միջպետական համագործակցությունը հիմնված է ամենաբարձր մակարդակներում կայուն և փոխադարձ հարգանքի վրա հիմնված քաղաքական երկխոսության, միջկառավարական, միջխորհրդարանական և միջգերատեսչական ձևաչափերի, միջտարածաշրջանային շփումների և ամուր իրավական շրջանակի վրա։
Կոպիրկինը հաստատել է Մոսկվայի պատրաստակամությունը համատեղ, կառուցողական և փոխշահավետ աշխատանքի՝ հիմնված առկա երկկողմ և բազմակողմ մեխանիզմների վրա։
Փոխվարչապետ Մհեր Գրիգորյանն իր ելույթում հույս է հայտնել, որ առկա հարցերն ու տարաձայնությունները կհաղթահարվեն բաց երկխոսության շնորհիվ, իսկ Հայաստանի և Ռուսաստանի միջև հարաբերությունները հետագայում ևս կզարգանան փոխըմբռնման, փոխադարձ հարգանքի և բարիդրացիության ոգով։
․․․
Ռուսաստանը Հայաստանի նկատմամբ սկսել է կիրառել տնտեսական ճնշումներ՝ հերթով սահմանափակելով հայկական ապրանքների մուտքը իր շուկա։ Սահմանափակումները սկսվեցին Երևանում Եվրոպական համայնքի ու ԵՄ գագաթնաժողովների անցկացումից հետո։ Այդ օրերին Երևան էր այցելել նաև Ուկրաինայի նախագահ Վոլոդմիր Զելենսկին։ Ռուսական կողմը դրանից հետո սկսեց հայտարարել, որ Հայաստանը պետք է արագ կողմնորոշվի ԵՄ-ին անդամակցելու հարցում։
Պատմություններ
