Ռուսաստանն ակնկալում է պահպանել բարեկամական հարաբերությունները և զարգացնել գործընկերությունը Երևանի հետ։ Այս մասին՝ ՏԱՍՍ-ին ասել է ՌԴ Արտաքին հետախուզության ծառայության տնօրեն Սերգեյ Նարիշկինը։
Նարիշկինի խոսքով՝ Մոսկվայի համար առանցքային նշանակություն ունի երկկողմ կապերի պահպանումն ու փոխգործակցության ընդլայնումը բոլոր հիմնական ուղղություններով, այդ թվում՝ տնտեսական, հումանիտար, ռազմական և ռազմատեխնիկական ոլորտներում։
«Մենք ակնկալում ենք, որ հենց այդպես էլ կլինի»,- ասել է Նարիշկինը։
***
Ռուսաստանը Հայաստանի նկատմամբ սկսել է կիրառել տնտեսական ճնշումներ՝ հերթով սահմանափակելով հայկական ապրանքների մուտքը իր շուկա։ Սահմանափակումները սկսվեցին Երևանում Եվրոպական համայնքի ու ԵՄ գագաթնաժողովների անցկացումից հետո։ Այդ օրերին Երևան էր այցելել նաև Ուկրաինայի նախագահ Վոլոդմիր Զելենսկին։ Ռուսական կողմը դրանից հետո սկսեց հայտարարել, որ Հայաստանը պետք է արագ կողմնորոշվի ԵՄ-ին անդամակցելու հարցում։
Ռուսաստանի նախագահ Վլադիմիր Պուտինը դեռևս չի շնորհավորել Հայաստանի վարչապետ Նիկոլ Փաշինյանին՝ հունիսի 7-ի խորհրդարանական ընտրություններում հաղթանակի կապակցությամբ։
Պատմություններ
