Իրանի արտաքին գործերի նախարարը հունիսի 28-ին Իրաք կատարած այցի ժամանակ հայտարարել է, որ Հորմուզի նեղուցըմնում է Իրանի լիակատար վերահսկողության տակ։
«Ես իմ գործընկերոջը տեղեկացրել եմ Իրանին պարտադրված պատերազմի վերջին արդյունքների, ինչպես նաև Իրանի և Միացյալ Նահանգների միջև ստորագրված փոխըմբռնման հուշագրի վերաբերյալ զարգացումների մասին», - ասել է Արաղչին։
«Հորմուզի նեղուցը մնում է Իրանի լիակատար հսկողության և կառավարման տակ առաջիկա 30 օրերի ընթացքում, և բոլոր խոչընդոտները վերացնելուց հետո ջրային ուղու ամբողջական թողունակությունը կվերականգնվի։ Սա է այն, ինչի վրա մենք աշխատում ենք»,- հավելել է նա։
Նա շեշտել է, որ սա լիովին պարզ է փոխըմբռնման հուշագրով, և ցանկացած միջամտություն կամ որևէ միակողմանի գործողություն կհանգեցնի իրավիճակի սրմանը և կհետաձգի նեղուցի վերաբացումը։
Իրանի և ԱՄՆ-ի միջև լարվածությունը կրկին սրվել է։ Երկու երկրները փոխադարձ հարվածներ են հասցրել՝ միմյանց մեղադրելով տասը օր առաջ կնքված ժամանակավոր համաձայնագրի խախտման մեջ, որը պետք է ավարտեր արդեն չորս ամիս շարունակվող պատերազմը։
Պատմություններ
