Պեղումների ժամանակ «Ամբերդ ամրոց»-ում հայտնաբերվել է Թամար թագուհու մետաղադրամը
Պեղումների ժամանակ «Ամբերդ ամրոց»-ում հայտնաբերվել է Թամար թագուհու մետաղադրամը, հայտնում են կրթության, գիտության, մշակույթի և սպորտի նախարարությունից։
Նախարարությունից հայտնում են, որ «Ամբերդ ամրոց» պատմամշակութային արգելոցում ընթացող վերականգնման և մաքրման աշխատանքների ժամանակ ամրոցի ներքին աշտարակավոր պատի արտաքին կողմում՝ կենտրոնական հատվածից մոտ մեկ մետր դեպի արևելք, հայտնաբերվել է մարդկային կմախք։ Ոսկորների գրեթե 90 տոկոսը տեղում են. չեն գտնվել միայն ձեռքի մատները։ Ատամնաշարից կարելի է ենթադրել, որ նա երիտասարդ է եղել:
Մաքրման աշխատանքների ժամանակ հայտնաբերվել են նաև միջնադարում կիրառվող (ենթադրյալ) զբաղմունքի վկայություն համարվող տամա խաղի (շաշկիի նման) մասունքներ։
ԿԳՄՍՆ-ից նշում են, որ Ամբերդում մաքրման և պեղման աշխատանքները շարունակվում են՝ բացահայտելով նոր մանրամասներ ամրոցի պատմությունից ու կյանքից:
Պատմություններ
