ՊՆ N զորամասի հրամանատար, գնդապետ Էդիկ Մալոյանը և նույն զորամասի գաղտնիության ռեժիմի գծով սպա Ռ.Ջ.-ն ձերբակալվել են պետական գաղտնիքի հրապարակման և դրան դրդելու կասկածանքով, հայտնում են Քննչական կոմիտեից։
«Քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում քննվող քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ Էդիկ Մալոյանը հանդիսանալով ՀՀ ՊՆ N զորամասի հրամանատար, կոչումով՝ գնդապետ, չունենալով պետական գաղտնիք պարունակող համապատասխան տեղեկությանը ծանոթանալու իրավունք, ՀՀ ՊՆ N զորամասի գաղտնիության ռեժիմի գծով սպա, պետական գաղտնիք պարունակող տեղեկությանը ծանոթանալու իրավունք ունեցող Ռ.Ջ.-ին դրդել է հրապարակել պետական գաղտնիք պարունակող տեղեկություն, այնուհետև՝ հրապարակել է իր կողմից ապօրինի եղանակով ձեռք բերված՝ հիշյալ պետական գաղտնիք պարունակող տեղեկությունը»,- ասված է ՔԿ հայտարարության մեջ։
Էդիկ Մալոյանի նկատմամբ հարուցվել է հանրային քրեական հետապնդում՝ պետական գաղտնիք պարունակող տեղեկություններ ապօրինի ձեռք բերած անձի կողմից դրանք հրապարակելուն և պետական գաղտնիք պարունակող տեղեկություններ հրապարակելուն դրդելու հոդվածներով, իսկ Ռ.Ջ.-ի նկատմամբ՝ պետական գաղտնիք պարունակող տեղեկություններ հրապարակելու հոդվածով:
Քրեական վարույթի նախաքննության ընթացքում Էդիկ Մալոյանը և Ռ.Ջ.-ն ձերբակալվել են, նրանց նկատմամբ կալանքը որպես խափանման միջոց կիրառելու վերաբերյալ միջնորդություն է ներկայացվել դատարան:
Նախաքննությունը շարունակվում է:
Պատմություններ
