Եվրոպայի կայծակնային արձագանքն ինձ համար զարմանալի էր. Հայկ Գևորգյան
«Ինձ համար ակնհայտ է, որ սա ունի Հայաստանի ներքաղաքական իրավիճակի վրա ազդելու նպատակ։ Եթե Ռուսաստանում որոշում են կայացրել, որ Հայաստանը պիտի դուրս գա ԵԱՏՄ-ից կամ կատարի որոշակի ներքաղաքական պահանջներ, ապա, բնականաբար, Հայաստանը պետք է դուրս գա ԵԱՏՄ-ից», - ասում է տնտեսական մեկնաբան Հայկ Գևորգյանը «ՍիվիլՆեթ բիզնեսի» հետ զրույցում:
Նրա խոսքով, եթե Ռուսաստանի սահմանափակումները տարածվեն նաև էներգետիկ ոլորտի վրա, մասնավորապես գազի գնի թանկացման տեսքով, ապա Ռուսաստանում ևս պետք է մտածեն` ցանկանում են ամեն բա՞ն, թե՞ քիչ բան կորցնել Հայաստանում: «Որովհետև եթե կա գազ, ուրեմն կա նաև Գազպրոմ (Հայաստանում), չկա գազ, չկա նաև Գազպրոմը», - շեշտեց Գևորգյանը:
