Ադրբեջանի նախագահ Իլհամ Ալիևը հայտարարել է, որ Ադրբեջանը Հայաստանի համար վառելիքի հուսալի աղբյուր է։ Այս մասին հուլիսի 13-ին նա ասել է Շուշիում անցկացվող չորրորդ գլոբալ մեդիաֆորումի բացման ժամանակ։
«Եթե չեմ սխալվում, մինչ օրս մատակարարվել է ավելի քան 10 հազար տոննա նավթամթերք։ Հատկապես ներկայիս պայմաններում, երբ շատ երկրներ բախվում են վառելիքի պակասի, Հայաստանը վառելիքի հուսալի աղբյուր ունի, և այդ աղբյուրը Ադրբեջանն է։ Եթե դա չլիներ, հավանաբար այսօր Հայաստանը ստիպված կլիներ բենզին և դիզելային վառելիք փնտրել աշխարհի տարբեր մասերում»,- ասել է Ադրբեջանի նախագահը։
Նրա խոսքով՝ Ադրբեջանի տարածքով Ռուսաստանից, Ղազախստանից և այլ երկրներից Հայաստան է տեղափոխվել ավելի քան 40 հազար տոննա տարբեր բեռ։
Պատմություններ
