ՖԻՖԱ-ն ռեկորդային հասույթ կգրանցի Աշխարհի առաջնությունից

The Guardian-ը գրում է, որ ՖԻՖԱ-ն կհայտարարի ԱԱ-2026-ից ստացված 15 մլրդ դոլար ռեկորդային հասույթի մասին, ինչը զգալիորեն գերազանցում է կանխատեսվող 11 մլրդ դոլար եկամուտը։

Հիմնական աճն ապահովել են հյուրանոցային ծառայություններից ստացված եկամուտները և տոմսերի վերավաճառքը (երկրորդային շուկայում ՖԻՖԱ-ն ստանում է 15 տոկոս գնորդից և 15 տոկոս վաճառողից): Հավելյալ միջոցները, ամենայն հավանականությամբ, կուղղվեն ֆուտբոլային ասոցիացիաներին։

ՖԻՖԱ-ի նախագահ Ջանի Ինֆանտինոյի համար սա ամրապնդում է դիրքերը՝ իր մասնակցությամբ սկանդալների ֆոնին։ Ասոցիացիաների ավելի քան 200 անդամ խոստացել է աջակցել նրան ֆեդերացիայի նախագահի պաշտոնում վերընտրվելու հարցում։

Հուլիսի 19-ին Նյու Ջերսիում տեղի կունենան Իսպանիա-Արգենտինա եզրափակիչ խաղը։ Եզրափակչի համար դեպի «գավաթների սրահ» տոմսերը վաճառվել են մեկ անձի համար 34 500 դոլարով։