Նարեկ Կարապետյանի վերաբերյալ միջնորդության քննությունը հետաձգվեց

«Ուժեղ Հայաստան» կուսակցության անդամ Նարեկ Կարապետյանի վերաբերյալ ՀՀ դատախազության ներկայացրած միջնորդության քննությունը Կենտրոնական ընտրական հանձնաժողովում հետաձգվել է մինչև հուլիսի 22-ը։ Այս մասին լրագրողների հետ զրույցում հայտնել է Կարապետյանի փաստաբան Արամ Վարդևանյանը։

Վարդևանյանի խոսքով՝ գրեթե որոշում կայացնելու փուլում էին ԿԸՀ անդամները, սակայն կազմակերպչական որոշ հարցերի պատճառով նիստը կշարունակվի վաղը:

Այսօր ավելի վաղ Կենտրոնական ընտրական հանձնաժողովի նախագահ Վահագն Հովակիմյանը հայտնել էր, որ Գլխավոր դատախազությունը ԿԸՀ-ին միջնորդություն է ներկայացրել «Ուժեղ Հայաստան» դաշինքից ընտրված պատգամավոր Նարեկ Կարապետյանի նկատմամբ քրեական հետապնդում հարուցելու համաձայնություն ստանալու համար։