Արագածոտնի մարզի Մելիքգյուղ գյուղում 25 և 20 տարեկան եղբայրները ձերբակալվել են իրենց 56-ամյա մորը սպանելու և դին թաքցնելու կասկածանքով, հայտնում են ՆԳՆ ոստիկանությունից։
ՆԳՆ հաղորդագրության մեջ նշվում է, որ 1970-ին ծնված Ռ․Մ․-ի անհետ կորելու մասին հաղորդումը ստացվել է հուլիսի 22-ին, մինչդեռ դեպքը տեղի է ունեցել մարտին։
«Հանցագործությունը քողարկելու և հետքերը վերացնելու նպատակով դիակը նրանք տեղափոխել են Մելիքգյուղ գյուղի իրենց բնակարանի հարևանությամբ գտնվող կիսակառույց շինություն և թաքցրել հողաշերտի տակ։
Հուլիսի 22-ին եղբայրները հայտնաբերվել, ձերբակալվել և տեղափոխվել են Քրեական ոստիկանության Արագածոտնի մարզային վարչություն, որտեղ նրանցից մեկը խոստովանել է կատարվածը։
Երիտասարդները և կազմված փաստաթղթերն ուղարկվել նախաքննական մարմին»,- հայտնում են ՆԳՆ-ից։
Նախաձեռնված քրեական վարույթի շրջանակում, մատնանշած վայրում՝ հողաշերտի տակ, հայտնաբերվել է 56-ամյա կնոջ դին։
25-ամյա և 20-ամյա երիտասարդները ձերբակալվել և տեղափոխվել են ձերբակալվածների պահման վայր։ Նախաքննությունը շարունակվում է։
Պատմություններ
