Նիկոլ Փաշինյանը վերանշանակվեց վարչապետ

Նախագահ Վահագն Խաչատուրյանի հրամանագրով Նիկոլ Փաշինյանը նշանակվել է վարչապետ։

Օգոստոսի 2-ին, Սահմանադրության 158-րդ հոդվածի համաձայն, Ազգային ժողովի 9-րդ գումարման առաջին նստաշրջանի օրը կառավարությունը հրաժարական էր ներկայացրել Հանրապետության նախագահին։

Մինչև նոր կառավարության ձևավորումը կառավարության անդամները շարունակում են կատարել իրենց պարտականությունները։

Սահմանադրության 149-րդ հոդվածի համաձայն՝ նորընտիր Ազգային ժողովի լիազորությունների ժամկետի մեկնարկից հետո Հանրապետության նախագահն անհապաղ վարչապետ է նշանակում խորհրդարանական մեծամասնության ներկայացրած թեկնածուին։ 

Փաշինյանը վարչապետի պաշտոնում նշանակվում է արդեն 4-րդ անգամ․

-2018-ի մայիսի 8-ին նա առաջին անգամ ընտրվեց վարչապետ՝ «թավշյա հեղափոխությունից» հետո,

-2019-ի հունվարի 14-ին երկրորդ անգամ նշանակվեց պաշտոնում՝ 2018-ի արտահերթ խորհրդարանական ընտրություններից հետո,

-2021-ի օգոստոսի 2-ին երրորդ անգամ նշանակվեց վարչապետ՝ նույն թվականի արտահերթ խորհրդարանական ընտրություններից հետո։