«Հայաստան» խմբակցությունը չի մասնակցի ԱԺ նախագահի ընտրությանը

ԱԺ «Հայաստան» խմբակցությունը չի մասնակցի Ռուբեն Ռուբինյանին ԱԺ նախագահ ընտրելու փակ քվեարկությանը, ԱԺ նիստի ժամանակ հայտարարել է խմբակցության ղեկավար Աննա Գրիգորյանը։

ԱԺ «Ուժեղ Հայաստան» խմբակցության ղեկավար Նարեկ Կարապետյանն էլ հայտնել է, որ իրենց ուժը դեմ է քվեարկելու Ռուբեն Ռուբինյանի թեկնածությանը՝ ԱԺ նախագահի պաշտոնում։

Օգոստոսի 2-ին մեկնարկած 9-րդ գումարման ԱԺ նիստում քննարկվում է Աժ նախագահի և փոխնախագահների ընտրության հարցը։

«Քաղաքացիական պայմանագիր» կուսակցության վարչության նիստում հունիսի 25-ին փակ գաղտնի քվեարկության արդյունքում Ազգային ժողովի նախագահի թեկնածու է ընտրվել Ռուբեն Ռուբինյանը:

ԱԺ նախագահի ընտրությունը տեղի կունենա ժամը 12:40-ին, կտևի 45 րոպե։