Եկեղեցին վճռական է՝ պաշտպանելու իր իրավունքները․ Գարեգին Բ

Եկեղեցին «լի է հավատով և վճռականությամբ»՝ պաշտպանելու իր իրավունքները, որոնք երաշխավորված են Հայաստանի Սահմանադրությամբ և միջազգային իրավունքի հիմնարար սկզբունքներով։ Մայր Աթոռ Սուրբ Էջմիածնում աղոթական համախմբման ընթացքում նշել է Ամենայն Հայոց Կաթողիկոսը։

Վեհափառ Հայրապետը դատավարությունն անվանեց ահիմն և հանիրավի։ Նա շեշտել է, որ իշխանությունների և իշխանական կառույցների կողմից քայլեր են ձեռնարկվում Հայ Առաքելական եկեղեցու հեղինակությունը վնասելու, նրա ինքնավարությունը սահմանափակելու և եկեղեցին քաղաքական կամքին ենթարկեցնելու ուղղությամբ։

Գարեգին Երկրորդի գնահատմամբ՝ Հայ Առաքելական եկեղեցին և հոգևորականները ենթարկվում են հետապնդումների։

Իր խոսքում նա կոչ է արել դադարեցնել անիրավությունները, խտրականությունն ու անհանդուրժողականությունը, թույլ չտալ ատելության խոսքի տարածումը և համատեղ ջանքերով նպաստել հասարակական համերաշխության, օրինականության և արդարության ամրապնդմանը։

Օգոստոսի 7-ին, Վաղարշապատի դատարանում տեղի ունեցավ Ամենայն Հայոց Կաթողիկոսի և Գերագույն հոգևոր խորհրդի անդամ վեց եպիսկոպոսների քրեական գործի նախնական դատալսումների առաջին նիստը։

Իրավական վեճը ծագել է Մասսյացոտնի թեմի նախկին առաջնորդ Գևորգ եպիսկոպոս Սարոյանին (կարգալուծությունից հետո՝ Արման Սարոյան) պաշտոնից ազատելուց հետո:

2026-ի հունվարին կաթողիկոսի որոշմամբ պաշտոնանկ արված Սարոյանը դիմել էր դատարան, որպեսզի վերականգնվի պաշտոնում։