Ինդոնեզիայում 7,7 մագնիտուդ ուժգնությամբ երկրաշարժի հետևանքով առնվազն 51 մարդ է զոհվել։ Հայտնում է Reuters-ը։ Իշխանությունները հայտնել են, որ տարհանվել է 5000 մարդ:
Երկրաշարժը տեղի է ունեցել օգոստոսի 15-ին՝ Ֆլորես կղզում։ Փրկարարները շարունակում են փլատակներում ողջ մնացածների որոնումները։
Ինդոնեզիայի Աղետների կառավարման ազգային գործակալության (BNPB) նախնական տվյալներով՝ երկրաշարժին հաջորդել է 341 հետցնցում։ Վնասվել են հարյուրավոր տներ և այլ շինություններ։ Աղետի ամբողջական մասշտաբները դեռ գնահատվում են։
Նախնական տվյալներով՝ Մանգարայում գրանցվել է 24 զոհ, Արևելյան Մանգարայում՝ 17։ Սիկկայում տեղահանվել է 3 356 մարդ, ևս 2 078-ը տարհանվել է Մանգարայում։
Սա Ինդոնեզիայում 2022-ից ի վեր ամենամահաբեր երկրաշարժն է։ 2022-ին Արևմտյան Ճավայում տեղի ունեցած երկրաշարժի հետևանքով հարյուրավոր մարդիկ էին զոհվել։
Պատմություններ
