Ընդդիմության թեկնածուն ընտրվեց Եվրաինտեգրման հարցերի հանձնաժողովի նախագահ

ԱԺ «Ուժեղ Հայաստան» խմբակցության պատգամավոր Հարություն Հարությունյանն ընտրվեց ԱԺ եվրաինտեգրման հարցերի մշտական հանձնաժողովի նախագահ։

Փակ գաղտնի քվեարկությանը մասնակցել է 104 պատգամավոր։ Հարությունյանի թեկնածությանը կողմ է քվեարկել՝ 56, դեմ՝ 48 պատգամավոր։

Մինչ այս՝ ԱԺ եվրաինտեգրման հարցերի մշտական հանձնաժողովի նախագահի թեկնածուի պաշտոնում «Ուժեղ Հայաստան»-ն առաջադրել էր խմբակցության պատգամավոր Արեգա Հակոբյանի թեկնածությունը, սակայն նա չէր ընտրվել։ Նրա փոխարեն այդ պաշտոնում խմբակցությունն առաջադրել էր Հարություն Հարությունյանի թեկնածությունը։

Օգոստոսի 20-ին ԱԺ-ն մշտական հանձնաժողովների նախագահներ է ընտրել։

Առաջադրված 12 հանձնաժողովների նախագահներից ընտրվել էին 9-ը, 8-ը՝ «Քաղաքացիական պայմանագիր» խմբակցությունից, 1-ը՝ «Հայաստան» խմբակցությունից, «Ուժեղ Հայաստան» խմբակցության առաջադրած 3 թեկնածուները չին ընտրվել։

«Ուժեղ Հայաստան»-ը նոր թեկնածուներ է առաջադրել։ Երկրորդ փուլում առաջադրված թեկնածուներից երկուսն արդեն ընտրվել են։ Օգոստոսի 26-ին խմբակցությունը նոր թեկնածու է առաջադրել Տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովի նախագահի պաշտոնում։ Հանձնաժողովի թեկնածուն Իրինա Յոլյանն է։