Փաշինյանը պատրաստվում է նոր զիջումների, իսկ Քոչարյանը խանգարում է․ Աղվան Վարդանյան

Ռոբերտ Քոչարյանի հերթական կալանավորումն ունի աշխարհաքաղաքական ենթատեքստ. իշխանությունները պատրաստվում են նոր զիջումների գնալ Ադրբեջանի հետ հարաբերություններում, իսկ երկրորդ նախագահը նրանց համար հիմնական խանգարող գործոնն է, պնդում է ԱԺ «Հայաստան» խմբակցության պատգամավոր Աղվան Վարդանյանը: ՍիվիլՆեթի հետ զրույցում Վարդանյանն անդրադառնում է Քոչարյանի ընտանիքի ունեցվածքի, փողերի լվացման և կոռուպցիայի համար մեղադրանքներին՝ վստահեցնելով, որ նա հաշվետու է «ամեն մի լումայի համար» և պատրաստ է դա ապացուցել դատարանում։ Հարցազրույցում պատգամավորը նաև պարզաբանում է, թե ինչու հետ կանգնեց մանդատից հրաժարվելու իր հրապարակային խոստումից։