ԱՄՆ նախագահ Դոնալդ Թրամփի հատուկ ներկայացուցիչներ Սթիվ Ուիթքոֆն ու Ջարեդ Քուշները առաջիկա օրերին կայցելեն Մոսկվա և Կիև՝ Ուկրաինայում պատերազմը դադարեցնելու առաջարկը քննարկելու նպատակով։ Այս մասին Թրամփը հայտարարել է Սպիտակ տանը։
«Մենք նրանց ուղարկել ենք՝ տեսնելու, թե արդյոք կարող ենք ինչ-որ արդյունքի հասնել։ Եվ հնարավոր է, որ դրա լավ հնարավորություն լինի»,- ասել է Թրամփը։
Ուկրաինայի նախագահ Վոլոդիմիր Զելենսկին հաստատել է, որ Ուիթքոֆն ու Քուշները Մոսկվա այցից հետո կիրակի կժամանեն Կիև։ Նրա խոսքով՝ Ուկրաինան ցանկանում է ԱՄՆ-ի հետ հնարավորինս կառուցողական և բովանդակալից բանակցություններ անցկացնել՝ պատերազմի ավարտի իրատեսական տարբերակներ գտնելու համար։
Զելենսկին նաև Ռուսաստանին կոչ է արել բանակցությունների ընթացքում պահպանել հրադադար և դադարեցնել օդային հարձակումները։
Պատմություններ
