Ուկրաինան պատրաստ է նախագահական ընտրություններ անցկացնել, եթե Ռուսաստանի նախագահ Վլադիմիր Պուտինը համաձայնի 60-օրյա լիակատար հրադադարի։ Այս մասին Ուկրաինայի նախագահ Վոլոդիմիր Զելենսկին հայտարարել է ABC News-ին տված հարցազրույցում։
«Եթե նախագահ Թրամփն իսկապես ցանկանում է, որ ընտրություններ անցկացվեն, փոխանցեք Պուտինին՝ թող երկու ամսով լիակատար հրադադար հաստատի, և մենք ընտրություններ կանցկացնենք։ Եվ, իհարկե, պատրաստ կլինենք ընդունել մեր ժողովրդի՝ հենց ուկրաինացի ժողովրդի ցանկացած ընտրություն»,- ասել է Զելենսկին։
Ուկրաինայի նախագահի այս հայտարարությունը հնչել է ԱՄՆ նախագահ Դոնալդ Թրամփի՝ ուկրաինացի ժողովրդին նոր առաջնորդ ընտրելու հրապարակային կոչից հետո։
Զելենսկին նշել է, որ պատերազմի պայմաններում ընտրություններ անցկացնելը բարդ է։
Հարցազրույցի ընթացքում Ուկրաինայի նախագահն անդրադարձել է նաև Թրամփի և ամերիկացի գործարար Իլոն Մասկի քննադատությանը։ Մասկը հայտարարել էր, թե Զելենսկին չափն անցել է և պետք է հեռանա պաշտոնից։
«Այս մարդիկ՝ Թրամփը և Մասկը, չեն կարողանում գտնել Պուտինին կանգնեցնելու բանալին։ Որովհետև Պուտինին կանգնեցնելն ավելի դժվար է, քան մյուսների վրա ճնշում գործադրելը»,- ասել է Զելենսկին։
Պատմություններ
