Ռուսաստանն ու Ուկրաինան համաձայնել են հրադադար հաստատել Ալյոշկիում․ Սպիտակ տուն

Ռուսաստանն ու Ուկրաինան համաձայնել են հոկտեմբերի 29-ից հրադադար հաստատել Խերսոնի մարզի Ալյոշկի քաղաքում։ Հայտնում է Սպիտակ տունը։

Հրադադարի նպատակն է մարդասիրական օգնություն հասցնել քաղաք և հատուկ անվտանգ միջանցքով տարհանել խաղաղ բնակիչներին։

Սպիտակ տան հաղորդմամբ՝ հրադադարի ընթացքում ռուսական և ուկրաինական խմբերի գործողությունները տեղում ուղեկցելու և փաստագրելու է ամերիկյան անկախ մեդիա կազմակերպություն։

Հայտարարության համաձայն՝ պայմանավորվածությանը նպաստել է ԱՄՆ առաջին տիկին Մելանիա Թրամփը։ Նա և իր ներկայացուցիչները անմիջական կապ են պահպանել Ռուսաստանի և Ուկրաինայի ղեկավարությունների հետ՝ հրադադարի պայմանները համաձայնեցնելու համար։

Հոկտեմբերի 9-ին Ռուսաստանի նախագահ Վլադիմիր Պուտինը ԱՄՆ նախագահ Դոնալդ Թրամփի հետ հեռախոսազրույցում անդրադարձել էր Ալյոշկիի հումանիտար իրավիճակին։

Սեպտեմբերի 21-ին Կրեմլի խոսնակ Դմիտրի Պեսկովը Ալյոշկիում հումանիտար իրավիճակը կրիտիկական էր որակել։ Ռուսաստանի պաշտոնյաների պնդմամբ՝ քաղաքի բնակիչներին օգնություն հասցնելը դժվարացել է գնդակոծությունների և անօդաչու թռչող սարքերի հարձակումների պատճառով։