ԱՄՆ նախագահ Դոնալդ Թրամփը պնդում է, որ Ռուսաստանն ու Ուկրաինան համաձայնել են էներգետիկ հրադադարի, որն ուժի մեջ է մտնում անմիջապես։
«Երկու կողմերն էլ տվել են իրենց համաձայնությունը։ Մի՛ խախտեք այն»,- գրել է Թրամփը Truth Social սոցիալական ցանցում։
Իսկ Ուկրաինայի նախագահ Զելենսկին հայտնում է, որ իր համար Թրամփի խոսքերը նորություն են։
Ավելի վաղ Թրամփը քննադատել էր Ուկրաինայի նախագահ Վոլոդիմիր Զելենսկուն՝ ռուսական նավթավերամշակման գործարաններին հարվածները դադարեցնելու՝ Վաշինգտոնի կոչերն անտեսելու համար։ Թրամփի խոսքով՝ Զելենսկին վաղուց պետք է խաղաղության համաձայնագիր կնքած լիներ Մոսկվայի հետ, սակայն դրա փոխարեն «խնդիրներ է ստեղծել ամբողջ աշխարհի համար»։
Նա նաև առաջարկել էր Ուկրաինայում ընտրություններ անցկացնել՝ նշելով, որ ուկրաինացիները կարող են ընտրել բանակցությունների գնալու ավելի պատրաստակամ առաջնորդի։
Զելենսկին հայտնել է, որ պատրաստ է դադարեցնել Ռուսաստանի նավթավերամշակման գործարաններին հարվածները, եթե Ռուսաստանը դադարեցնի հարվածները ուկրաինական էներգետիկ ենթակառուցվածքներին։
Բայց եթե ռուսները համաձայնեն էներգետիկ հրադադարին, Ուկրաինան նույնպես կհամաձայնի։ Եթե նախագահ Թրամփը Պուտինի հետ պայմանավորվել է այս հարցի շուրջ, խնդրում եմ՝ տեղեկացրեք մեզ, թե երբ է սկսվում հրադադարը։ Մենք պատրաստ ենք և կընդունենք այն»,- ընդգծել է Զելենսկին։
Պատմություններ
