Ռուսաստանը երեք օր չի հարվածի Կիևին՝ ամերիկացի բանագնացների այցի պատճառով

Ռուսաստանի նախագահ Վլադիմիր Պուտինը հրահանգել է երեք օրով դադարեցնել հարվածները Կիևին։ Այս մասին հայտնել է Կրեմլի խոսնակ Դմիտրի Պեսկովը։

Նրա խոսքով՝ որոշումը կապված է Կիևում ամերիկյան կողմի շփումների նախապատրաստման և անցկացման հետ։

Սեպտեմբերի 5-ին Պուտինը Մոսկվայում բանակցություններ է անցկացնելու ԱՄՆ նախագահ Դոնալդ Թրամփի հատուկ բանագնաց Սթիվ Ուիթքոֆի և Ջարեդ Քուշների հետ, որոնք առաջարկ են ներկայացնելու Ուկրաինայում պատերազմը դադարեցնելու վերաբերյալ։

Պեսկովը, սակայն, նշել է, որ Ուկրաինայի կարգավորման վերաբերյալ նոր գաղափարների մասին խոսք չկա՝ կոչ անելով կանխատեսումներ չանել և սպասել հանդիպմանը։

Ավելի վաղ Թրամփը հայտարարել էր, որ Ուիթքոֆն ու Քուշները Մոսկվա են մեկնում Ուկրաինայում հակամարտությունը դադարեցնելու առաջարկով՝ առանց մանրամասներ ներկայացնելու։