Խորապես տարբերվող տեսակետներ ու նարատիվներ կան որոշ վայրերի ծագման վերաբերյալ։ Այս մասին X-ում գրել է Եվրամիության հատուկ ներկայացուցիչ Մագդալենա Գրոնոն՝ ամփոփելով Բաքու և Լեռնային Ղարաբաղ կատարած այցը:
Գրոնոն անվանապես չի նշել, թե որ վայրերի ծագումը նկատի ունի, բայց շեշտել է, թե Երևանն ու Բաքուն այս հարցերը պետք է քննարկեն և հասցեագրեն՝ անցյալի հակամարտության այդ ասպեկտը ևս հաղթահարելու համար. - «Անցյալի հակամարտության չլուծված ժառանգության և բոլոր կողմերի կրած տառապանքների ընդունումն առանցքային նշանակություն կունենա հաշտեցման համար»:
Գրոնոն մի քանի տասնյակ օտարերկրյա դիվանագետների հետ սեպտեմբերի 11-12-ն այցելել էր Լեռնային Ղարաբաղ, որտեղ նրանց ուղեկցում էր Ադրբեջանի նախագահի օգնականը: Եվրամիության հատուկ ներկայացուցիչը սեպտեմբերի 14-ին ժամանում է Երևան՝ հանդիպելու պաշտոնյաների ու քաղհասարակության ներկայացուցիչների հետ:
Պատմություններ
