«Ուժեղ Հայաստան»-ի երրորդ թեկնածուն ընտրվեց ԱԺ տարածքային կառավարման հանձնաժողովի նախագահ

ԱԺ «Ուժեղ Հայաստան» խմբակցության պատգամավոր Ռուբեն Մխիթարյանն ընտրվեց ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի նախագահ։ Նրա թեկնածությանը կողմ է քվեարկել՝ 53, դեմ՝ 36 պատգամավոր։

Մխիթարյանն այս հանձնաժողովի երրորդ թեկնածուն է, որին առաջադրել է «Ուժեղ Հայաստան»-ը։ ԱԺ մեծամասնությունը Տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովի նախագահի պաշտունում չեր ընտրել «Ուժեղ Հայաստան»-ի առաջադրած թեկնածուներ Դավիթ Ղազինյանին ու Իրինա Յոլյանին։

Այսպիսով, ԱԺ-ն ավարտեց 12 մշտական հանձնաժողովների նախագահների ընտրությունը։

Ընդհանուր համամասնությամբ՝ «Քաղաքացիական պայմանագիր» խմբակցությունը ստացել է 8 հանձնաժողովի նախագահի և 7 տեղակալի, «Ուժեղ Հայաստան»-ը՝ 3 նախագահի և 4 տեղակալի, իսկ «Հայաստան» խմբակցությունը՝ 1 նախագահի և 1 տեղակալի պաշտոն։