Ձերբակալվել է Հովիկ Աբրահամյանի եղբայրը
Ձերբակալվել է նախկին վարչապետ Հովիկ Աբրահամյանի եղբայրը, հայտնում են Հակակոռուպցիոն կոմիտեից։
«Պաշտոնատար անձի կողմից պաշտոնեական լիազորությունները չարաշահելու, այդ արարքին օժանդակելու, պաշտոնեական կեղծիք կատարելու և կեղծ փաստաթուղթ օգտագործելու դեպքերի առթիվ ՀՀ հակակոռուպցիոն կոմիտեում իրականացվող քրեական վարույթի շրջանակում ձերբակալվել է ՀՀ նախկին վարչապետ Հովիկ Աբրահամյանի եղբայրը» ,- հայտնում են Կոմիտեից։
Օգոստոսին կալանավորվել է Հովիկ Աբրահամյանի որդին՝ Արգամ Աբրահամյանը։ Նրան մեղադրում են սպանություն պատվիրելու մեջ։
Նախկին վարչապետ Հովիկ Աբրահամյանին էլ մեղադրանք է ներկայացվել մի շարք արարքների համար, ներառյալ պաշտոնեական լիազորությունների չարաշահում, ձեռնարկատիրական գործունեությանը ապօրինի մասնակցություն և փողերի լվացում:
Քրեական վարույթի նախաքննությունն ավարտվել է։ Գործն ուղարկվել է դատախազին՝ մեղադրական եզրակացությունը հաստատելու և դատարան ուղարկելու միջնորդությամբ։ Մեղադրյալի և նրա հետ փոխկապակցված անձանց գույքի վրա դրվել է արգելանք։
Պատմություններ
